Naam *
 E-mail *
 Website
 Bericht *
* Verplicht

Anti-spam maatregel
Gelieve de tekst/cijfer-combinatie in het veld in te geven.
captcha

(137)
1 2 3 4 5 6 7 8 9 10
>
(137) Bodie
wo, 11 februari 2015 15:06:16

(-.-)Zzz...

(136) BoereBroelof
di, 10 februari 2015 16:28:51

Dit gastebook is neet miër actueel.

Bedank veur al uch sjoeëne reaksies.


(135) Boerebroedspaar 2015
vr, 6 februari 2015 15:11:15

Aafgeloupe weekend zien weer ‘n aantal geheime ónthuld. Prins Ryan I mit adjes John en Ron en Prins Maik mit adjes Stijn en Dirk. Perfisiat allemaol!! Veur gaon d’r same ‘n sjoeën fieës van make! Veur ós is ‘t ouch bie-nao zó wieët. Nog eine nach sjlaope en den is ‘t móment aangebraoke wao veur same mit ós getuge 12 waeke lang nao toe höbbe gelaef. Veur zien d’r hielemaol klaor veur en sjtaon inmiddels in de sjtartblokke. En maar good ouch want dees zenuwe zeen nimmer ónger kontrole te haaje, veural neet nao de missie van dees waek: boeëdsjappe doon. Wat ein oetdaging!!!!!! Det haet ós hiel get sjpanning opgeleverd. Al bösse nog zoe wieët weg, doe dinks mer aan ein dink: as veur mer genne bekende taege kómme.

Wie zal ‘t mit ’t kinjerboerebroedspaar zien? Die haaje zoe te laeze ouch al väöl las van de zenuwe. Veur zeen hiel beniejd waem mórge same mit ós mit ’t moos geit zjweije.
Waem zal vanaovend op ’t Aadwieverbal as Aadwief 2015 oetgerópe waere? Emes oet Óffebèk of toch ‘n Ruivers maedje? En laote veur natuurlik Astrid en Fred en häör getuge neet vergaete. Astrid en Fred maak d’r ‘n sjoeën aafsjloeting van, veur numme ‘t boeremoos morge gaer van uch euver.

Leef miense, veur haope uch morge allemaol te zeen bie de Paerssjtal wao geur ós ónger de hood oet gaot zinge…….. ÓFFEBÈK DET BLIEF ÓFFEBÈK…Toet morge!!

Boerebroedspaar 2015


(134) Kinjerbroedspaar 2015
ma, 2 februari 2015 20:25:39

Nog 5 nachtjes sjlaope. Veur zien ech aaf aan ’t telle!

Ut kriebelt gigantisch in ózze boek!
Veur zien ech neet mieër te haje.
Op sjoel komme veur euveral ós foto taege. Veur wille idderein gaer laote weite det veur achter ’t moos versjtop zitte!
Ós pap en mam zien bezig met de létste veurbereidinge. Veur zien klaor om te knalle!

Maud, Isa, Kyra, Sem en Finn, wat sjiek det uch papa’s de groëte prins en adjudant zien gewaore! Proficiat en geniet d’rvan!
Det wuurd ein sjoën fieës op sjoel tiedes de sjoelerondjgangk.

Veur winse Jordy en Jill en häör getuuge Lars en Daniëlle ein sjoën aaftraeje.

Veur zeen ós!

Groetjes Jut en Jul en ós getuuge An en Lies


(133) Boerebroedspaar 2015
vr, 30 januari 2015 12:08:21

As ieërste wille veur 't kinderbroedspaar Jordy en Jill en getuge Daniëlle en Lars succes winse mit häör lètste aktiviteite. Geur höb hielemaol gelieëk, de veurbereidinge zien uniek en sjiek óm mei te make! Veur zeen ós volgende waek zaoterdig!

Bacchus Djen prefisiat, uiteraard ouch veur dien Bacchusklöp!! Veur drinke ós d'r binnekort ‘nne.

Bèste nieje Windjbuujelprins nag 1 sjlaopeloze nach en dèn geit dien film eindelik in premiere. Mesjien kómme veur ós de kómmende daag waal örges taege. Veur ós is 't aaftelle noe ouch begós. De veurbereidinge waere noe langsaam aafgerondj mer 't waert mit de daag moeilikker óm ós gedachte d'r bie te haaje.

Leef miense, raoj gerös nag ‘nne kier!

Boerebroedspaar 2015


(132) KinjerBroedspaar 2014
di, 27 januari 2015 21:40:25

Beste bienao broedspare,
En ? is t nog vol te haaje?
sjiek hé! het daornao toe leave is kei spannend maar het oetkomme en die daag die zalle volge zin nog sjieker!! Veur as kinjerbroedspaar hubbe nog 3 activiteiten te goan. Helaas geit den veur os de lamp oet. Veur vonge ut eine geweldige tied en haope det geur net zonne sjieke tied mooge beleave as veur.
We zeen os volgende weak zoaterdig !

Jordy & Jill
Daniëlle & Lars

(131) Boerebroedspaar 2015
ma, 19 januari 2015 20:50:32

Goeje aovend wieniewaagt en alle angere niesjierige miense in ‘t Windjbuul- en Boeremoosriek,
De spjanning löp langzaam op en ouch bie uch zoe te laeze. Waem zalle veur toch zien?
Veur waere opniej oetgedaag om mier van ós zelf pries te gaeve. Veur gaon ein tipje van de boermoossluier oplichte. De getuge bie ós trouwerie zien in het verleje gèn Boerebroedspaar gewaes. Ós getuge zien waal getuge gewaes bie ein anger broedspaar. Veur verklappe natuurlik neet bie waem want den is dit mysterie te sjnel óntrafelt.
Zoe ver veur kènne zeen sjtaon neet alle getuge van de aafgeloupe jaore oppe site van de Boerebroelof Ruiver-Óffebèk dus veur haope det geur ein good geheuge höb. Moch geur 't noe èch zeker weite, veur zegke…..raoje maar. Succes!! Veur zeen ós.

Boeremoos Alaaf!

Boerebroedspaar 2015.


(130) Wieniewaagt
ma, 19 januari 2015 10:27:06

Boerebroedspaar 2015,

Ich hub un vraog aan uch...

Zien uch getuuge in ut verleje auch al unne kier Boerebroedspaar gewaes???

Gr. Wieniewaagt

(129) Boerebroedspaar 2015
za, 17 januari 2015 17:56:47

Jeugprins Sjors II en adjudante Kwin en Tim, names ós en ós getuge, allemaol van herte prefisiat!!
Sjiek det veur d’r same ein groeët fieës van gaon make in het Windjbuujel- en Boeremoosriek!
De kómmende waeke waere de euverige mysteries onthult en veur sjloete de rie vandaag euver 3 waeke. Inmiddels waere de pósters veur ’t Boerebal al euver de Ruiver en Óffebèk versjpreid en siere de borde weer de Óffebèkse häöfkes. Waal jaomer det die ós oetzich belemmere. Dit alles bie-ein zorg waal veur eine boeëst zenuwe. Veur sjtaon d’r mit op en veur gaon d’r mit nao bed.
Ouch aan de lètste veurbereidinge höbbe veur ós henj vol ……oetnuuëdiginge make veur de resepsie, ein fieësje órganisere , blikke soep inkoupe, kratte beer insjlaon, eier kaoke en kleure, ballonne en sjlingers besjtelle. En den ouch nag ós getuge die de nuuëdige noote op häöre zang en ein tas vol ideeë höbbe. Gelökkig versjtaon veur ós nag good.
Bie het kinjerbroedspaar zal de sjpanning ouch waal toe numme. Sjiek det geur ós oetdaag mit ós nieks zegkende sjtökskes. Veur zegke: wilt geur get weite vraog gerös!! Veur zeen ós de kómmende waeke waal.
De sjpanning löp op maar nag efkes den kènne alle remme los!

Boeremoos Alaaf!!

Boerebroedspaar 2015


(128) Getuge van 't Boerebroedspaar 2015
wo, 14 januari 2015 12:33:52

Ouch veur höbbe ein rol in dees vastelaovend film.
In november waerde veur door ‘t nieje broedspaar gevraog óm op bezeuk te kómme. Gezellig óm wat te praote en ein wienke/pilske te drinke. Ós wachtte ein sjoeëne verrassing. Veur zoote dao lekker oppe bank, toen ‘t broedspaar nao de keuke ging. Effe later kwame ze truuk met ein bord boeremoos mit wors.
Jao, toen wiste veur al wat ze ginge vraoge. Veur hoofde d’r neet euver nao te dinke en veur zagte geliek jao. Super sjiek óm same met ‘t broedspaar ein rol te höbbe in dees vastelaovend film.
‘t vastelaovend viere zit bie ós in ‘t blood. Veur zien d’r altied bie.
Same gaon veur d’r ein knalfieës van make en trekke veur die boerekèr.
Veur höbbe gelaeze det ‘t kinjerbroedspaar en getuge der ouch al klaor veur zien. En dèt die ouch waal van ein fieësje haaje. Det waert sjiek!!
Verder wille veur de prins en zien adjes, ‘t aadwief, de jeugprinse en bacchus alvas hiel väöl plezeer winse met ‘t oetkómme. Nog effe en den geit ós film in première. Alaaf!!

De groete van de getuge van ’t Boerebroedspaar 2015.


(127) Kinjerbroedspaar 2015
ma, 12 januari 2015 18:43:59

Leef Boere en Boerinne, Windjbuujels en Windjbuujelinnekes,

Veur zien ’t nieje aansjtaonde jeugboerebroedspaar van 2015, Jut en Jul! Net wie bie groeëte sjterre as K3 en de 3J’s, neume ze ós ouch waal de 2J’s! Veur vinje ’t kei ‘vet’ det veur dit jaor jeugboerebroedspaar mooge waere! Same met ós getuge, An en Lies, en de rès van ‘t gezélsjap zorge veur dit jaor veur eine frisse windj dae oet alle heuk van ós gemeinte weijt! Wie veur gevraog waerde höbbe veur allemaol geliek ‘jao’ gezag! Ech hiel bie-zónjer en sjpannend! Veur loupe met eine groeëte glimlach op ós gezich door sjoel, maar veur mooge nieks zègke euver ós groeëte geheim!
Veur höbbe de foto’s al gemaak en veur höbbe de kleijer veur de ierste kier gans aan gehad! Same oppe foto met ós getuge, broedsmaedjes, jonkertje en ós elders! Veur ware met waal 16 miense! Veur höbbe zelfs ein foto gemaak met de plaatsvervangende burgemeister van de boerebroelof.
“Neet te filme!”, veur kroepe dit jaor in ein anger rol en die pas ós as gegaote! Maar noe is ós gèn rol vraemd. Veur höbbe namelik waal get met anger rolle; verkleije, goeije, vange, zinge, fieëste, kraose in ’t bos, lol en plezeer make! Veur sjpitse ós op ‘t sjlók goeije tiedes de optoch en op ‘t bezeuk aan ós sjoel. Veur zitte allemaol op dezelfde sjoel en dao weite ze éch waal wat vastelaovend viere is!
Veur Jill en Jordy en häör getuge Daniëlle en Lars löp ‘t boerejaor op ‘t lèts! Veur höbbe gezeen det geur met z’n alle erg genaote höbbe! Veur höbbe ‘t van ‘nne sjteinworp aafsjtandj mèt gemaak!
Genóg verteld! Genóg tips, dus ’t raoje ken beginne! Ongetwiefeld kenne de groeëte prins en ‘t groeëte broedspaar nog get van ós liere! Want gans Óffebèk en Ruiver klaag sjtein en bein euver uch niekszegkende sjtökskes! Bön neet te bang, maak ‘t raoje weer sjpannend en num ein veurbeeld aan ós!
Toet gauw!

Jeugboerebroedspaar 2015

Jut en Jul en ós getuge An en Lies.


(126) Boerebroedspaar 2015
zo, 4 januari 2015 15:53:36

As ieërste wille veur uch ‘n sjoeën en gezondj 2015 toewinse!
Ein jaor wat veur ós hiel sjpesjaal geit waere. Inmiddels is 't alweer 7 waeke geleje det veur door de kemissie gebeld waerde óm boerebroedspaar te waere. Vanaaf dae tied höbbe veur, same mit ós getuge, gèn rös mier in ós köpkes. As veur mit de auto óngerwaeges zien, waere d'r sinds dae tied regelmaotig aafsjlage gemis en make veur dao door dök ein ekstra röndje op rótondes. Dao nao waert den gezag. Enne? Kwaam se weer ónger dae hood oet? Wie veur nao Blierick ginge veur de kleier ging 't waal in eine kier good en kóste veur al ein bietje preuve aan 't boerebroedspaar zien. Inmiddels is alles op maot gemaak en is de Keubefoto klaor. Langsaam zien veur toch waal niesjierig aan 't waere mit welk kinjerboerebroedspaar, prins, jeugdprinse, aadwief en Bacchus veur vastelaovend gaon viere. Ein dink weite veur zeker, oppe Ruiver en in Óffebèk loupe op dit moment mierdere miense mit ein groeët geheim róndj. Maar nag efkes en den gaon dees geheime onthult waere. Dink geur te weite waem veur zien? Vergaet den neet te raoje.

Toet binnekort.

Boerebroedspaar 2015.


(125) Kinjerbroedspaar 2014
zo, 28 december 2014 03:15:04

Beste aankomend Boerebroedspaar 2015 en Kinjerboerebroedspaar 2015,

Veer winse uch veul spas en plezeer biej ut geheim haaje en van de sjoone veurbereidingen tot aan uch oetkomme! Geneet der van! 't is uniek um mei te make! Veur zin heel beniejd, en zalle nog efkes der van geneete en zweie met ut moos biej de letste festiviteiten toet ut feest veur uch kent beginne!

Groetjes van t kinjerbroedspaar 2014 Jill en Jordy, mit heur getuuge Danielle en Lars

(124) Boerebroedspaar 2015
za, 27 december 2014 19:49:23

De körsdaag zien veurbie en langzaam kruup de vastelaovend nao ós toe. Noe waert 't toch langzaam tieëd óm get van ós te laote huuëre. Ein aantal waeke truuk zien veur gevraog óm Boerebroedspaar 2015 te waere, ós antjwaort waas uiteraard jao. Dao hoofde veur neet lang euver nao te dinke.Óffebèk det blief Óffebèk sjpeelt al waeke door ózze kop, 't liedje wao veur 7 fibberwarie mit ónger de hood oet gaon komme. Same mit ós getuge zien veur ós aan 't veurbereide óm d'r mit alle Ruiverse en Óffebèkse miense 'nne geweldige vastelaovend van te make. De kómmende waeke haaje veur uch oppe huuëgte van wat ós allemaol bezig helt. 't broedspare raoje ken beginne.

Boerebroedspaar 2015


(123) kinjerboerebroedspaar 2014
vr, 7 maart 2014 04:12:57

ut waas geweldig! Veur hubbe genote! Ut waas sjpannend en echt te gek om mei te make.
Veur wille alle miense bedanke die der zonne sjoone vastelaovend van hubbe gemaakt!
Veur hubbe volgende waek heel get te vertelle op sjool.
Samen mit Fred en Astrid en heur getuuge hubbe veur flink kenne knalle!
Allemaol bedankt!!

Groetjes van t kinjerboerbroedspaar Jill en Jordy, mit heur getuuge Danielle en Lars

Ps: Oma Sonnemans vong t helemaol te gek! Auch zie haet der van genote!

>