52e BoereBroedspaar Astrid & Fred Simons-Bongers

Óffebèk, 22 fibberwari 2014

Thumb_Astrid-en-Fred-BB-2014In ós resedentie Café Zaal De Paerssjtal kwaam op 22 fibberwari 2014 om 22 oer 11 ′t nieje BoereBroedspaar Astrid & Fred Simons-Bongers op de klanke van “Óffebèk blief Óffebèk” ónger de tradisionele hood oet.

‘T Bruudje: Astrid is 39 jaor jóngk en gebaore oppe Hazekamp in Óffebèk. Dochter van Piet Bongers en Nel Timmermans. (Peter van Marie van de Reus en Sjaak van de Kogel en van Nellie van Baer van de Sjansemaeker oet Tegele). Astrid is werkzaam biej de Hema oppe Ruiver. Astrid is aad lid van de KPJ Ruiver en is lid van Jong Nederland Óffebèk en leidster van de Maxioren 2. Aug is Astrid lid- en besjtuurslid van de BoereBroelof en maak deil oet van de kinjer kemissie. Dao biej is Astrid aug nag “Opteikenaer” biej de Sjutterie in Beesel biej de windjbuks wedsjtrieden.   De Broedegom: Fred is 47 jaor jóngk en gebaore in Offenbeek aan de Bergerhaofwaeg. Zoon van Thei Simons en Bep Rutten. (Thei van Frits van sjlèchter Tuën en An Alers oet Aad Dörp in Beesel en van Bep van Rutte Hein en Johanna Dennessen van de Mariasjtraot). Fred werk al miër as 25 jaor biej Hovuma Magaziensjtellinge in Óffebèk as projekengineer. Is aug aad lid van de KPJ Ruiver en sinds 2001 lid en veurzitter van Jong Nederland Óffebèk. Lid van de BoereBroelof en zit same met zoon Lars biej de drumband van de Sjutterie in Beesel. Fred werk gaer in de tuin en helt kiepkès en geite.

Astrid en Fred zien de trotse elders van Eline, 16 jaor en Lars, 13 jaor. Samen woeëne ze aan de Bergerhaofwaeg 11b in Óffebèk.

BB2014_gezelsjap

As getuuge sjtelle we uch veur:

Helga & Patrick Boots-Taal Kinjer Bo & Cheng

Nicole & Richard Bongers-Dorssers Kinjer Maud & Eef

Names de Broedspare-kemissie  Sylvia Schoolmeesters en Mat Bongers wille veur uch van herte oetnuüedige om nao de Boerebroelof optoch te komme kieke op Vastelaoves dinsdaag 4 mieërt en aansjloetend om 15.00 oer de trouwerie biej te woeëne in ós resedentie Café Zaal De Paerssjtal. De optoch route zuut d’r as volg oet; Vertrek biej ós resedentie Café Zaal De Paerssjtal richting sjpaorwaegeuvergang wao veur V.V. de Windjbuujels welkom heite in ‘t Boereriëk. Vervólges via de Keulsewaeg truuk richting Mariasjtraot, Bergerhaofwaeg, Sint Annasjtraot truuk nao ós resedentie Café Zaal De Paerssjtal. Names de Boerebroelof winse veur idderein ‘nn sjoëne te gekke en veural gezellige Vastelaovend!  


Adam Frazier Womens Jersey