Marc & Miranda Blomen-DorssersÓffebèk, 11 fibberwari 2012

In eine bomvolle zaal van ós resedentie Café Zaal De Pearssjtal kwaam op 11 fibberwari 2012 om 22 oer 11’t nieje Broedspaar Miranda & Marc Blomen-Dorssers op de klanke van “Óffebèk blief Óffebèk” ónger de tradisionele hood oet.

‘T Bruudje:
Miranda is 37 jaor jonk en gebaore op ‘t Hazekamp. Miranda is de dochter van Piet Dorssers en Mariet Bongers, Opa Jeu Dorssers van de Pannesjop en Oma Annie Slabbers oet Zjwame, Opa Jac Bongers oet Kessel em Maria Peulen. Miranda verdeend al 8 jaor de kôs oppe broëd aafdeiling biej de Phicoop in Kessel. De hobby’s van Miranda zien; Wanjele, winkele, vakansie, reize en zinge.

De Broedegom:
Marc is 38 jaor jonk en is gebaore in ‘t ziekehoes in Tegele en opgegreujd op de Vinkesjtraot oppe Ruiver. Marc is de zoon van Gosweien Blomen en Petra van de Heuvel. Marc is al miër as 15 jaor in deens biej MGG Giesen (de Gies) in Tegele as logistiek Account manager. Marc zien hobby’s zien; Zjwumme, op ziene MTB fietse en sjteigerhoute meubels make.

Ze zien in 1999 getrouwd en in 2002 trotse papa en mama gewaore van eine twiejling Zoë en Joëlle. Same woëne ze oppe Dokter Nolenssjtraot 1 in Óffebèk.

img-Miranda-Marc-en-Getuuge

As getuuge sjtelle we uch veur:

Ron en Marlie Janssen-Paar
Kinjer Steve & Tara

Marcel en Willy van Aarssen-Rutten
Kinjer Kay & Vanity

Names de Broedspare-commisie Pierre van Willick en Nellie van Willick wille veur uch van herte oetnuüedige om nao de Boerebroelof optoch te komme kieke op Vastelaoves dinsdaag 21 fibberwari en aansjloetend om 15.00 oer de trouwerie biej te woeëne in ós resedentie Café Zaal De Pearssjtal. De optoch route zuut d’r as volg oet; Vertrek biej ós resedentie Café Zaal De Pearssjtal richting St.Theresiasjtraot, Dokter Nolenssjtraot, Sint Annasjtraot, Industriesjtraot, Mariasjtraot, Keulsewaeg truuk nao ós resedentie Café Zaal De Pearssjtal.

Names de Boerebroelof winse veur idderein ‘nn sjoëne te gekke en gezellige Vastelaovend!


Adam Frazier Womens Jersey