Naam *
 E-mail *
 Website
 Bericht *
* Verplicht

Anti-spam maatregel
Gelieve de tekst/cijfer-combinatie in het veld in te geven.
captcha

(125)
1 2 3 4 5 6 7 8 9
(35) Sherlock ein aug Holmes
zo, 20 januari 2013 18:44:24

1e update van ’t labatorium in zaake vootsjpoore ongerzeuk wuurt morge verwach, ’t sjient om ’t merk CHOIZZ of Tamaris te gaon wat de sjoon van ’t bruudje betruf. De mannelike sjpaore zien waarsjienlik van Pantofola d’Oro of le coq sportif te gaon. Nader ongerzeuk door Dr. Watson zien ze biej Durlinger gekoch maar aangezeen ’t vandaag zondig is en de winkel neet aope is krieg dit nog ein vervolg.


En een goede raad voor de Getuuge 2012… veur zien neet bang en laote ós neet intimideere veur hobbe veur heitere vuure gesjtaon.


(34) Getuuge 2012
za, 19 januari 2013 21:45:17


't mot neet gekker waere. Oppe Ruiver (- Óffebèk) höbbe ze Michel en Treeske en noe hiej eine Sherlock met ‘nne pitbuujelpoedel noe wuuërt ’t pas link veur ós nieje Broedspaar en Getuuge en veur ós zelef netuurlik want veur wille waal met de ieër gaon sjtrieke om die nieje te ontmaskere. Eine goeije Tip aan Sherlock.. Maak dich de sjoonveters maar good vas en zorg detse dien roetezûk toet aan de oksels höbs opgetraokke want veur laote dich en diene koempel waal ein puupke ruuke.

“Broedegom 2013” om noe drek dae Pierre om goeije raod te vraoge geit ós net get te ver, dae euverlaoper, d’r zal waal de fles sjroebelaer oppe taofel höbbe gesjtaon angers kèn dae nag neet ens met ein prikkersjtekske praote laot sjtaon met eine baum. Fluustere dèt kèn dae waal nao ein paar sjroebelaers dèn haet Pieter van Vollenhoven ’t nog lestig om zien gebrazel te versjtaon :)
Maar good, jaomer det geur neet ieërs nao ós toe wilt kómme maar dèt kènnen we waal begriepe maar aug eigelik neet :)

“Bruudje 2013” wat sjiëk zegk dèt geur zo van kleurkes haajt en zo’nne groeëte gardarobe höb, zo’n vrouwe höbbe veur namelik aug dus det pak zich waal dao zien veur neet bang veur. Veur zien zeer beniejd welke kleurke dèt geur gaot keeze in de haor en veur zòlle zeker zegge as veur ’t sjoeën vinje, biej welke kapper laot geur dèt doon???

Wat minder is dèt is dae “halfom” maar ja aug dèt sjnappe veur, d’r mot d’r tensjlotte waal eine van uch twiëje de daag nao eine aovend good sjtappe zich get kènne herinnere.
Veur merke waal dèt geur ein gezellig type ziet en uch sjnel eurges thoes veult gezeen uch lètste sjtukske in ’t gastebook gank gerös zo door met sjrieve wie mieër wie baeter den zeer veur ós zeker gauw genóg.

P.s. d’r wuuërt gelökkig weer mieër sjnieë verwag dus Sherlock oppe tiëd dien sjpaore óngerzeuk doon want angers mosse ’t met ós sjoonzaole doon en met de maot 44/45 en die van Wim bösse zo ein paar kilo gieps kwiet.


(33) Sherlock ein aug Holmes
za, 19 januari 2013 20:39:26

Ich zeen 't al aug hiej biej de boere wuurt flink geraoje nao 't nieje broedspaar. Kiek noe maar oet want ich bun vanmiddag aangekomme gans oet Baskervilles England same met mien rechterhandj Dr. Watsone en SPike miene gekruutste pitbuujelpoedel, ein echte koelekikker met opgesjpitste oere en eine sjerpe sjtert. Ut ierste det veur vandaag hubbe gedaon is ein deepgaond ongerzeuk rondj 't hoes van Wim en Petra. Biej Wim waerde Spike finaal hyper en wis dae neet wat um aan 't lief waas zoe vuul luchtjes honge dao in de loch det dae ram van sjlaag waas dus det waar ein good teiken, sjpaore zat die veur gaon annalizeren hoewel veur nog neet presies weite wievuul poesjes Corrie haet te zjwiege van de voot sjpaore die we dao aantroffe. Biej Petra ging det gans angers, net de sjtert tusse de bein, de neus omhoeg en de oere rech veuroet. Ich zek nog taege Dr. Watson... ruuks doe det aug? Dao hong mich toch eine bekende geur, volges mich waas John karboet of bloodwors aab 't bakke dus dao van waas Spike gans van de sjlaag, zeer sjlum maar veur komme truuk.

Ich bun bliej det veur oppe tied zien aangekomme want den hubbe veur nog tied om de omgaeving te verkenne an Spike de buim te laote telle en te inveterisere zoedet veur direk op 't sjpaor zitte as dao aug maar eine baum verdwient de kommende daag den zien veur der biej en ziet geur onmaskert veur 't boerebal en heb ich "de" enige echte Sherlock Holmes weer ein raodsel opgelos.

Zo en noe sjnel nao de Ruiver toe om op ein goeije good euverzigtelike plek de Sjakel en omgaeving in de gate te haaje in miene onopvallende witte snjieje sjpionage trainingspak met witte sjtreepe en witte gympe met witte piep haod en antivries daeke.
Ens kieke war veur zoeal kenne besjpeure.

We'll Be Back soen.

(32) Bruudje 2013
za, 19 januari 2013 19:45:43

wat betref mien haor ich weit nog neet mier welke kleur van michzelf is.
zo vuul veranger ich van kleur. Welke kleur ‘t met oetkomme weurd dao bun ich nog neet euver oet
zo geit det ach met kleijer kaope, ich hub inmiddels van ozze kleijerkast auch al de helf van miene man ingepikt.
sporten hub ich auch vuul beoefent zo as judo bedminton handbal tennis fittness
ein van dees sporten wil ich weer gaon daon .
wat ich geer drink is halfom.
Vastelaovend ving ich ‘t sjoenste van ‘t hiele jaor. Dit jaor wuurd ‘t dus eine vastelaovend wao ich hielemaol
van gedraumd heb en dit te danken hub aan Petra en Wim en ós getuuge.
veur zeen ós gauw genoog.
groetjes en toet 2 fibberwarie.


(31) Broedegom 2013
za, 19 januari 2013 19:43:55

ich höb al advies gekrege via Wim euver de baum evegood bedank veur de hulp.
Pierre osse veurzitter van de boerebroelof is hie eine gebaore expaer in.
van heure zegge ken dae zelfs met baum praote.
ich waet dat Pierre ‘t onzetend druk haet met deees “bedank veur diene goeie raod Pierre”.
speurende miense kiek dus good rondj waor det geur eine baum mist.
groetjes toet 2 fibberwarie.


(30) Getuuge 2012
wo, 16 januari 2013 22:49:38

Daag Broed en Broedegom 2013,

Tja met dees daag haet ’t aug gaar gêne zin om met de sjoefel of sjûp in de tuin te werke dao komp geur de grondj neet met in met zo’nne vors, en maar good det ’t flink vruus want dees tempesature zien van krusiaal belang veur ’t boeremoos, dèt is d’r noë in euvervloed is dus dao kent geur alvas van geneete, kiek maar ens nao dae Wim dèt krieg dae van Corrie al 3 kiër per waek te aete vanaaf dèt ze uch gevraog höbbe as Broedspaar want veur kènne ’t weite want Mieke van Pierre maakte dèt aug veur Pierre klaor wie d’r Miranda en Marc had gevraog allein kreeg Pierre d’r gen wors biej die waas veur Mieke :-)

Maar sjoën noë ens efkes truuk nao dae tuin van uch. As geur hulp nuuëdig höb met dae baum den mail ós maar efkes, Ron en ich weite dao waal raod met en Marc ken dao den geliek get sjieks van make dae is good in meubels make. Geur hoof dèt neet ieërs aan Wim of Petra te vraoge veur kòmme waal as ’t duuster is den zuut aug neemes ós biej uch nao binne gaon en veur det geur of uch buure ‘t weite is de baum aug weg.

Maar as geur ’t euver dae baum en planke höb mot ich weer aan det hout dinke, dao is get met maar ich weit nog neet wat maar ’t kump sjteeds maar truuk en ’t luut mich neet los. Wat dae bakfiets aangeit en Wim zöl motte fietse en Petra sjtuure?? Den zou ’t bater zien as geur toch veur ein anger alternatief gaot kieke want Wim en fietse??? Pffffffff bun bang det de optoch den waal ein hiel groet gaat geit kriege :-)

Nog efkes truuk gelaeze in ’t gastebook en vólges mich iets euver de kop gezeen. De Getuuge sjriev: citaat “Veur hubbe al hiel get aafgelache met os 6” dus moog ich aannimme dèt geur 1 paar getuuge höb ?? klop dèt??

En nog ein vreugske veur ’t Bruudje en de vrouwelike getuuge… Pils, sjoes of wien??


Groetjes Ron en Marcel


(29) Peter
wo, 16 januari 2013 15:29:54

Marcel is good bezig met de boerebroelofsite,want ich hub het lang genog gedaon om te weite hoeveul werk det is,goed zo Marcel gank zoe door.

(28) Der Alte Dessauer
di, 15 januari 2013 20:41:06

Wie ich met mien trompet door de sniej leep zoog ich det eine van de getuuge biej de broedegom aan ut sniejruume waas. Ich sjnap neet det Wim as Commissielid dees taak neet op zich haet genome. Ein sjlechte zaak. Ich zal um dae waal uns op aan spraeke.

Hub ich toch nog ein kleine vraog veur de broed: hub geur die blonde haor geverf en biej welke kapper hub geur det laote doon? Waarom ich det vraog? Miene collega Dieter wilt auch weer sien kapsel wit verfe veur die daag. Geseen Junke geslaote is....
Veur seen os waal vriejdaag biej Bachus.

Alaaf Der Alte Dessauer...prprprprpompom

(27) broed en broedegom 2013
di, 15 januari 2013 20:09:49

't waer zit neet met, ich wil de veurtuin fijn in orde make veur 2 fibberwarie, brek mich de sjoefel aaf.
ein paar buim motte ach noch troet. Met gen sjup in te kome, de grondj is bevrörre.
de commissie heit nog vuul werk om van oze veurtuin iets fijns te make.
druk hebben veur het vooral met ós oetkomme op 2 fibberwarie met name os getuige die eine hiele taak op zich hebben genaome om dao ein spektakel van te make.
zenuwen hebben veur neet en auch gen planke koorts.
wie veur os beweige met deze dag gaon veur natuurlijk neet aan de groete klok hange,
maar ongetwiefeld zalle veur ós eurgens teige kome.
dae bakfiets is inmiddels opgeknapt zoe det veur nooit vas kome te zitten met de optoch as der snieje lik en 't paerd met koets neet gebroek ken waere. 't alternatief is Wim en Perta die den de bakfiets moete bedene en trappen.
veur amuseren ós wal in de bak zelf.
zoe zuus ze wel det veur op alles zien veurbereit. Allein Wim en Petra dinke det dit ein grepke is maar dit is genne grap.
't broedspaar raoje zuut good oet en er staon name in die hiej zeker une kier in mien aoge
geknipt veur zien.
ich wil het hie effe bie laote en wuns uch nog vuul succes met dit grote raodsel weim veur zien.
groetjes Broedspaar en Getuuge 2013.


(26) Getuuge 2012
di, 15 januari 2013 16:41:47

Jao jao Wim, dèt zou ich aug sjrieve maar dao trappe veur neet in. Nao ós idee zien ze inderdaad neet in de Sjakel gewaes en aug neet biej Ronckenstein maar de getuuge volges ós waal want de Broedegom is verder weg den gedach en volges ós geit 't Bruudje neet gaer allein op paad.

Mèr good 't zal waal de sjtilte veur de sjtorm zien en mesjien zitte veur waal te doeën op 't juuste sjpaor dèt se d'r zenewegtig van waere dèt zöll zo maar kènne.

Veur zeen in idder geval det d'r miër miese aan 't raoje zien op de site dus dèt maak 't weer zeer interesant.

P.s. Wim, neet te vuuël zaat sjtruije aan de deur met deze sjnië angers zien de vootsjpaore zo sjlég te herkènne.



(25) commissie 2013
ma, 14 januari 2013 10:14:34

't broedspaar en getuuge 2013 melden zich nog waal as ze efkes tied hebbe tusse 't oefene door. En wae wet ware ze toch biej Ronckenstein en de Sjakel. Geur môt beiter oplette. Let maar goot op biej Bacchus.



(24) Getuuge 2012
zo, 13 januari 2013 20:01:41


Zaoterdigaovend noa de Stjerzitting gewaes, vandaag nao de Kinjerzitting maar gen Broedspaar 2013 en getuuge 2013 gezeen. Ich huurde det se flink aan ut oefene sind veur de oetkom akt op 2 februari. Det geit get waere...ich wins uch vuul succes en oefen maar goot veur der Alte dessauer...

(23) Marcel
zo, 13 januari 2013 19:48:07

't zöl waal aan de zenuwe ligke. Maak nieks oet de echte zenuwe motte nog kómme :-)

(22) Getuuge 2012
zo, 13 januari 2013 19:43:51


Volges ós zien de Nieje op wintersjport, ’t is zo sjtil hie.

(21) Getuuge 2012
za, 5 januari 2013 19:02:29


Veur zeen ’t al... aug ós Broedspaar begint ’t weer te kriebele net as biej ós en “ós Maedjes”.

Morge 6 jannewari moge veur “de mannelike getuuge” en de Broedegom allein op sjtap en waal nao ’t sjonste Vrouwluuj Vrieje evenement det d’r in Óffebèk besjteit “DE MANSLUUJZITTING”. Det belaof weer eine daag vol lol, plezeer en brulle van ’t lache en ein glaeske beer. Veur de aanvang dao van gaon veur met alle Boereléje (de manskaerels netuurlik) ieërs good Brunche biej Erik ózze Burgemeister. (Erik veur zien d’r klaor veur).

Aug ós is ’t neet on- opgevalle gebleeve det “de Nieje Getuuge” aug al get van zich höbbe laote hure en oet ’t sjrieve te begriepe hoof Wim neet op dae bakfiets te klumme want geur ziet ’t laupe gewend. Hmm, det zou kènne beteikene det geur lid ziet van ein wanjelklöp, of muziekkepel of van ein muzikale vereininging die vuuël laope. (det zette veur effe appart). En det “Sinterklaos book” eine om de kop euver te braeke maar aug det ken ‘nne goeije zien veur kènne genóg Zjwarte Piete die ós biejsjtaon met ’t sjpeure. Veur weite in iddergeval al det de Broedegom ein Pilske drink... wat drink geur?? Pils of Sjoes??

Dus.. geur hoof neet zo sjnel te sjrieve “toet 2 fibberwarie” want dao trappe veur neet in, veur zeen ós iërder let maar ens op.

Och jao bie-nao vergaete… aug veur winse idderein ( en alle "Nieje) ’t allerbeste en alles wat winselik is veur 2013.

Ron & Marlie
Marcel & Willy



Adam Frazier Womens Jersey