Seije BoereBroedspaar 2012 Miranda en Marc Blomen-Dorssers.

Aan alles wat begint kump aug ein einde… en dèt weite Vastelaoves Hoeëgheden netuurlik maar al te good. Nao ein regeer periode van ein jaor kump veur heur ’t einde in zich. Inmiddels is Prins Erik I van V.V. de Windjbuujels aafgetraoje en opgenaome bie de EPS en zól hae veur altied door ’t laeve gaon as Ex-prins Erik I.

Ouch veur ós Broedspaar Miranda en Marc met getuuge Marlie, Ron, Willy en Marcel kump de tied om in ’t on-ech gesjeije te waere door de Burgemeister van Óffebèk. Dit sjeije geit plaats vinje op vriedig 1 fibberwari  vanaaf 20.30 oer in Café-Zaal de Paerssjtal in Óffebèk, op deze vriedig zólle Miranda en Marc nog eine lètste kiër in de sjpotlights sjtaon nao ein geweldig jaor as BoereBroedspaar 2012.

Dit lètste optraeje zal ónger muzikale klanke plaats vinje in ’t kefee, maar zo ver is ’t nog neet want wilt geur Miranda en Marc nog eine lètste kiër kòmme toezinge kom dèn vriedig 1 fibberwari nao de Paerssjtal. De kemissieleje Pierre en Nelly heite uch van herte wèlkom. Nao dèt veur in sjtiel aafsjiëd höbbe genaome van Miranda en Marc met de getuuge gaon veur ós netuurlik opmake ver ’t Boerebroedspaar 2013 en zólle de nieje kemissieleje Petra Burhenne en Wim Sijben ós gaon verrasse met ‘t nieje Broedspaar met getuuge op ’t groeëte BoereBal op zaoterdig 2 fibberwari.

Veur zeen uch gaer op vriedig 1 fibberwari vanaaf 20.30 oer in ’t kefee biej de Paerssjtal  met ein aangepas live LVK programma.

Toet vriedig.

BB-Gezelsjapseije


Adam Frazier Womens Jersey